நத்தம், நத்தம் மாரியம்மன் கோவிலில் கும்பாபிஷேகம் முடிந்து ஓராண்டு நிறைவையொட்டி வருடாபிஷேகம் நடைபெற்றது.

நத்தம் மாரியம்மன் கோவில் இந்து அறநிலையத்துறையின் கட்டுப்பாட்டில் உள்ளது. தென்தமிழத்தின் பிரசித்தி பெற்ற அம்மன் கோயிலில் ஒன்றான நத்தம் மாரியம்மன் கோவிலில் கடந்த ஆண்டு செப்டம்பர் 7 கும்பாபிஷேகம் நடந்தது. இதையொட்டி அன்று திண்டுக்கல் மாவட்டம் முழுவதும் அரசு மற்றும் தனியார் பள்ளிகள், கல்லூரிகள், மாநில அரசு அலுவலகங்கள் விடுமுறை விடப்பட்டது. கும்பாபிஷேகம் முடிந்து ஓராண்டு நிறைவைவொட்டி இன்று காலை 7:45 மணி முதல் 10 மணி வரை வருடாபிஷேக விழா பூஜைகள் நடைபெற்றது. ஏராளமான பக்தர்கள் தரிசனம் செய்தனர். விழா ஏற்பாடுகளை இந்து சமய அறநிலைத்துறை அதிகாரிகள், கோவில் பரம்பரை அறக்காவலர் குழு செய்திருந்தனர்.