விருத்தாசலம்: பிரதோஷத்தையொட்டி விருத்தகிரீஸ்வரர் கோவிலில் நந்தி பகவானுக்கு சிறப்பு வழிபாடு நடந்தது. விருத்தாசலம் விருத்தாம்பிகை,  பாலாம்பிகை உடனுறை விருத்தகிரீஸ்வரர் கோவிலில் இன்று மாலை விருத்தகிரீஸ்வரர், தாயாருக்கு சிறப்பு அபிஷேக ஆராதனை நடந்தது. மாலை  4:30 மணியளவில் நந்தி பகவானுக்கு சந்தனம், மஞ்சள், தயிர், பால் உட்பட 12 பொருட்களால் சிறப்பு அபிஷேக ஆராதனை நடந்தது. தொடர்ந்து  அருகம்புல், மலர் மாலைகள் சாற்றி மகா தீபாராதனை நடந்தது. ஏராளமான பக்தர்கள் தரிசனம் செய்தனர்.