திருப்பதி; திருப்பதி ஏழுமலையான் பிரம்மோற்சவத்தில் இன்று தங்க தேரோட்டம் கோலாகலமாக நடைபெற்றது.

திருப்பதி ஸ்ரீவாரி ஆண்டு பிரம்மோத்ஸவத்தின் ஒரு பகுதியாக, 6ம் நாளான இன்று சனிக்கிழமை மாலை 4 மணிக்கு சுவாமி தங்க ரதத்தில் வலம் வந்து பக்தர்களுக்கு அருள்பாலித்தார். பக்தர்களின் நடனம், பஜனை மேளங்கள், மங்கள வாத்தியங்கள் முழங்க, திரு மாடவீதிகளில் ஸ்வர்ணரதோத்ஸவம் கோலாகலமாக நடைபெற்றது. பெண்கள் திரளாக கலந்து கொண்டு ஸ்ரீவாரி தங்க தேரை வடம்பிடித்து இழுத்தனர். தங்கத் தேரை தரிசிப்பதால், லட்சுமி தேவி கருணையுடன் செல்வத்தையும் இன்பங்களையும் தருகிறாள். பூதேவியின் கருணையால் சகல தானியங்களும், ஸ்ரீவாரி கருணை கருணையினால் சகல சௌபாக்கியங்களும் மகிழ்ச்சியும் உண்டாகும் என்பது பக்தர்களின் நம்பிக்கை. விழாவில் திருமலை திருப்பதி தேவஸ்தான நிர்வாக அதிகாரி தர்மா ரெட்டி மற்றும் டெல்லி உள்ளாட்சி மன்றத் தலைவர் வெமிரெட்டி, மற்றும் பிரசாந்தி ரெட்டி, மதி சதா பார்கவி, வீரபிரம்மன், நாகேஸ்வரராவ், ஜெகதீஸ்வர் ரெட்டி, பாலி மற்றும் ஏராளமான பக்தர்கள் கலந்து கொண்டனர்.