திருப்புத்தூர்; திருப்புத்தூர் திருத்தளிநாதர் கோயிலில் வளர்பிறை அஷ்டமியை முன்னிட்டு யோகபைரவருக்கு சிறப்பு வழிபாடு நடந்தது.

குன்றக்குடி தேவஸ்தானத்தை சேர்ந்த இக்கோயிலில் யோக நிலையில் எழுந்தருளியுள்ள பைரவருக்கு அஷ்டமி தினங்களில் சிறப்பு வழிபாடு நடைபெறும். இன்று வளர்பிறை அஷ்டமியை முன்னிட்டு காலை 9:00 மணிக்கு 11 கலசங்களுடன் அஷ்ட பைரவர் யாகம் துவங்கியது. பாஸ்கர், கண்ணப்பன், ஹரிஹரன் குருக்கள் பூஜைகளை செய்தனர். யாகத்தில் சொர்ணம், புஷ்பம், வஸ்திரம், நவதானியம், பயறு ஆகிய 5 தானங்கள் நடந்தது. தொடர்ந்து காலை 11:30 மணிக்கு பூர்ணாகுதி நடந்து யாகசாலையிலிருந்து கலசங்கள் புறப்பாடாகியது. மூலவருக்கு அபிஷேகம் நடந்து ராஜ அலங்காரத்தில் பைரவர் அருள்பாலித்தார். தொடர்ந்து சிறப்பு தீபாராதனை நடந்தது.