தேவகோட்டை; அயோத்தி ராமர் கோயில் கும்பாபிஷேகம் வரும் 22 ந்தேதி நடைபெற உள்ளது. இவ்விழாவிற்கான அழைப்பிதழ் வீடு வீடாக விநியோகிக்கும் பணி நேற்று துவங்கியது. பா.ஜ. கட்சி, இந்து முன்னணி, விஷ்வ ஹிந்து பரிஷத் அமைப்பினர் இணைந்து விநியோகிக்கும் பணியை சிலம்பணி சிதம்பர விநாயகர் கோயிலில் இருந்து துவங்கினர். அதனைத் தொடர்ந்து ரங்கநாத பெருமாள் கோயில், கோதண்டராமர் கோயில் ஆகியவற்றிலும் வழங்கினர். பா.ஜ. சிவகங்கை எம்.பி. தொகுதி பொறுப்பாளர் அர்ஜுனமூர்த்தி தலைமையில் மாவட்ட தலைவர் மேப்பல் சத்தியநாதன் முன்னிலையில் அமராவதிபுதூர் சாரதா கோயில் மடத்தை சேர்ந்த ஸ்ரீ சாராதேஸ்வரி ப்ரியம்பா, ஸ்ரீ ராமகிருஷ்ண ப்ரியம்பா , பா.ஜ. நிர்வாகிகள் கோமதி நாச்சியார், பத்மா ஆகியோர் அழைப்பிதழ் , ராமர் கோயில் படம், கோயில் அட்சதை, கற்கண்டு , விபூதி, உட்பட ஐந்து பொருட்களை வீடுவீடாக வழங்கினர். நிகழ்ச்சியில் பா.ஜ.க. நிர்வாகிகள் காசிராஜா, பாலகிருஷ்ணன், இந்து முன்னணி நகர தலைவர் சுரேஷ், விஷ்வ ஹிந்து பரிஷத் தலைவர் லட்சுமி நரசிம்மன் உட்பட கட்சியினர் பங்கேற்றனர்.