சூலூர்; ஆங்கில புத்தாண்டு பிறப்பை ஒட்டி, சூலூர் வட்டார கோவில்களில் சிறப்பு பூஜைகள் நடந்தன.

ஆங்கில புத்தாண்டு பிறந்ததை ஒட்டி, நேற்று சூலூர் வட்டார கோவில்களில் சிறப்பு பூஜைகள் நடந்தன. சூலூர் வைத்தீஸ்வரன் கோவில், சூலூர் பெருமாள் கோவில், சின்னியம் பாளையம் சிவன் கோவில் மற்றும் கருமத்தம்பட்டி மாகாளியம்மன் கோவிலில் சிறப்பு அபிஷேக, அலங்கார பூஜைகள் நடந்தன. காங்கயம் பாளையம் ஐயப்பன் கோவில், சென்னியாண்டவர் கோவில், அப்பநாயக்கன்பட்டி சக்தி மாரியம்மன், காட்டூர் மாகாளியம்மன் கோவிலில் நடந்த சிறப்பு பூஜையில் பக்தர்கள் பங்கேற்றனர். அதிகாலை முதலே குடும்பத்துடன் கோவில்களுக்கு வந்த வண்ணம் இருந்தனர். பூஜைக்குப் பின் பக்தர்களுக்கு பிரசாதங்கள் வழங்கப்பட்டன. இதேபோல், ஆங்கில புத்தாண்டை வரவேற்கும் விதமாக நேற்று முன் இரவு, சூலூர் வட்டார சர்ச்களில் சிறப்பு பிரார்த்தனை நடந்தது. இதில், ஏராளமான கிறிஸ்தவர்கள் பங்கேற்றனர். நண்பர்கள், உறவினர்களுக்கு புத்தாண்டு வாழ்த்துக்களை கூறி மகிழ்ச்சியை பரிமாறிக் கொண்டனர்.