காளஹஸ்தியில் நடைபெறவிருக்கும் வருடாந்திர மகா சிவராத்திரி  பிரம்மோத்ஸவத்தில் சிவ - பார்வதியின் திருக்கல்யாணத்திற்கு உறவினர்கள் மற்றும் பக்தர்கள் அனைவரையும் வரவேற்கும் வகையில் ஏற்பாடு செய்யப்பட்ட கைலாசகிரி பிரதக்ஷணோத்ஸவ விழா கோலாகலமாக நடைப்பெற்றது. முன்னதாக ஸ்ரீகாளஹஸ்தி தேவஸ்தானத்தில் உள்ள அலங்கார மண்டபத்தில் உற்சவ மூர்த்திகளை அலங்கார மண்டபத்தில் சிறப்பு அலங்காரம் செய்யப்பட்டு, தூப தீப நெய்வேத்தியம் வழங்கப்பட்டு, ஆதி தம்பதியர்கள் கிரிவலம் சென்றனர். ஊர்வலமாக பக்தர்கள் இரு வேறு சப்பரங்களில்  மூன்று கோடி தேவர்களையும், முனிவர்களையும் தங்கள் திருமணத்திற்கு வரவேற்கும் வகையில் வாலிங்கேஸ்வரர் (சிவபெருமான்) கைலாசகிரி மலையை வலம் வந்தார்.  21 கி.மீ., தூரம் உள்ள கைலாசகிரி மலையைச் சுற்றி ஆயிரக்கணக்கான பக்தர்கள் நடந்து சென்றனர்.  சிவனின் வருகையால்  மலைச் சுற்றியுள்ள கிராமங்கள் அனைத்தும் உற்சாகமடைந்தன.  கிரிவலம் செல்லும் வழி நெடுகிலும் ஸ்ரீ காளஹஸ்தி சிவன் கோயில் சார்பில் பல்வேறு (பகுதிகளில்) இடங்களில் பக்தர்களுக்கு தேவையான நிழற்கூடங்கள் அமைத்தும் தண்ணீர் பந்தல், நீர் ,மோர், அன்னதானம் என பக்தர்களுக்கு தேவையான அனைத்து வசதிகளையும் செய்யப்பட்டிருந்தனர்.