குன்னுார்; சிவராத்திரி விழாவிற்காக கோவையில் இருந்து குன்னூருக்கு ஆதியோகி சிவன் ரதம் வந்தது.

வரும் மார்ச் மாதம் 8ம் தேதி மகா சிவராத்திரி விழாவையொட்டி, கோவை ஈஷா யோகா மையத்தில் இருந்து ஆதியோகி ரதம் பல்வேறு கிராமங்களுக்கும் சென்று, வருகிறது. இதில் சிவராத்திரி விழாவில் பங்கேற்க பக்தர்களுக்கு அழைப்பு விடுக்கப்பட்டு வருகிறது. இந்நிலையில், நேற்று குன்னூர் வந்த ஆதியோகி ரதம் இளித்துரை கிராமத்தில் துவங்கி, எடப்பள்ளி, கோடமலை, சிம்ஸ்பார்க், குன்னூர் வி பி தெரு, உபதலை, அருவங்காடு பகுதிகளில் நிறுத்தப்பட்டு, பக்தர்களுக்கு அழைப்பு விடுத்து, அழைப்பிதழ் நோட்டீஸ் வழங்கப்பட்டது. ரதத்தில் இருந்த ஆதியோகி சிவனுக்கு பக்தர்கள் ஆரத்தி காண்பித்து வழிபட்டனர். குன்னூர் பகுதிகளுக்கான ஏற்பாடுகளை, ஈஷா மைய குன்னூர் நகர பொறுப்பாளர் முத்துகுமார், ஒருங்கிணைப்பாளர்கள் சீனிவாசன், வாசு, விஜயகுமார், கோபால கிருஷ்ணன், ஆகியோர் செய்தனர். ஊட்டி, கூடலூர், கோத்தகிரி உட்பட பல்வேறு கிராமங்களுக்கும் இந்த ரத யாத்திரை செல்கிறது.