ராமேஸ்வரம்; ராமேஸ்வரத்தில் முன்னோர்களுக்கு அக்னி தீர்த்த கடற்கரையில் பரிகார பூஜைகள் செய்திட கட்டண சீட்டு என்ற அறிப்பை வாபஸ் பெற்றது கோவில் நிர்வாகம்.

இது குறித்து கோயில் நிர்வாகம் கூறியுள்ளதாவது; இராமநாதபுரம் மாவட்டம். இராமேசுவரம், அருள்மிகு இராமநாதசுவாமி திருக்கோயில் மூலம் அக்னி தீர்த்த கடற்கரை அருகில் திருக்கோயிலுக்குச் சொந்தமான இடத்தில் பக்தர்களின் வேண்டுகோளின் படியும், பக்தர்களின் வசதிக்காகவும் முன்னோர்களுக்கு பரிகார பூஜைகள் செய்திட கட்டண சீட்டுகள் நடைமுறைப்படுத்த உத்தேசிக்கப்பட்டுள்ளதாகவும், இது குறித்து ஆட்சேபனை ஏதும் இருப்பின் பொதுமக்கள் தங்களது ஆட்சேபனையினை வருகிற 20.03.2024 க்குள் தெரிவிக்கும்படி நாளிதழ்களில் 28.02.2024 அன்று அறிவிப்பு வெளியிடப்பட்டிருந்தது. நிர்வாகக் காரணங்களுக்காக இந்த அறிவிப்பு திரும்ப பெறப்படுகிறது என திருக்கோயில் இணை ஆணையர்/செயல் அலுவலர் செ.சிவராம்குமார் தெரிவித்துள்ளார்.