முக்களத்தி அம்மன் கோவில் விழா கொடியேற்றத்துடன் துவக்கம்
எழுத்தின் அளவு:
பதிவு செய்த நாள்
09மார் 2024 11:03
திட்டக்குடி; முக்களத்தி அம்மன் கோவில் திருவிழா கொடியேற்றத்துடன் துவங்கியது.
திட்டக்குடி மேலவீதி முக்களத்தி அம்மன் கோவில் திருவிழா, கடந்த 5ம் தேதி கொடியேற்றத்துடன் துவங்கியது. தினசரி அம்மனுக்கு சிறப்பு அபிஷேகம் செய்யப்பட்டு, சிறப்பு அலங்காரத்தில் அம்மன் திருவீதியுலா வந்து பக்தர்களுக்கு அருள்பாலிக்கிறார். நேற்று வெள்ளிக்கிழமையையொட்டி சிறப்பு ராகுகால பூஜையும் நடந்தது. எட்டாம் நாள் திருவிழா, 12ம் தேதியன்று ஊரணி பொங்கலும், ஒன்பதாம் நாள், 13ம் தேதியன்று தேர் திருவிழாவும் நடக்க உள்ளது. விழா ஏற்பாடுகளை கோவில் பரம்பரை தர்மகர்த்தா மற்றும் பொதுமக்கள் ஏற்பாடு செய்துள்ளனர்.