காரைக்கால்; காரைக்காலில் ஸ்ரீ கைலாசநாத கோவிலில் பிரம்மோற்சவ விழாவை முன்னிட்டு பஞ்சமூர்த்திகள் வீதியுலா நடைபெற்றது.

புதுச்சேரி மாநிலம் காரைக்காலில் பிரசித்தி பெற்ற அருள்மிகு ஸ்ரீ சுந்தராம்பிகை உடனமர் ஸ்ரீ கயிலாசநாத சுவாமி கோவிலில் பங்குனி உத்திர பிரம்மோற்சவப் பெருவிழா கடந்த 15ம் தேதி கொடியேற்றத்துடன் துவங்கியது. விழாவில் இன்று பஞ்ச மூர்த்திகள் வீதியுலா நடைபெற்றது. ஸ்ரீகைலாசநாதர் பூத வாகனத்திலும், அம்பாள் காமதேனு வாகனத்திலும் எழுந்தருளி வீதியுலா வந்து பக்தர்களுக்கு அருள்பாலித்தனர். ஏராளமான பக்தர்கள் கலந்து கொண்டு சுவாமி தரிசனம் செய்தனர். நாளை 19ம் தேதி தெருவடைச்சான் சப்பரம், 21ம் தேதி திருக்கல்யாண உத்ஸவம், விழாவின் முக்கிய நிகழ்ச்சியான தேர்திருவிழா வரும் 23ம் தேதி நடைபெறுகிறது. வரும் 26ம் தேதி தெப்போற்சவம் உள்ளிட்ட பல்வேறு நிகழ்ச்சிகள் நடைபெறகிறது. விழா ஏற்பாடுகளை கோவில் நிர்வாக அதிகாரிகள் செய்துள்ளனர்.