புதுடில்லி: புதுடில்லி துவாரகா 7வது செக்டாரில் அமைந்துள்ள ஸ்ரீராம் மந்திரில் இன்று, அஷ்டபந்தன மஹா கும்பாபிஷேகம் கோலாகலமாக நடைபெற்றது.

புதுடில்லி துவாரகா 7வது செக்டாரில் அமைந்துள்ள ஸ்ரீராம் மந்திரில், அஷ்டபந்தன மஹா கும்பாபிஷேகம், ஸ்ரீகாஞ்சி காமகோடி பீடம் மூலாம்னாயம் ஸர்வஞ்ய பீடம் ஸ்ரீசங்கர விஜயேந்திர சரஸ்வதி சுவாமிகள் அருளாசியுடன் நடைபெற்றது. இன்று காலை 8:30 மணிக்கு நான்காம் கால பூஜைகள், ஜபம், ஹோமம் மற்றும் தத்துவார்ச்சனை நடந்தது. அதைத் தொடர்ந்து, காலை 10:00 மணிக்கு மஹா பூர்ணாஹூதி, தீபாராதனை, யாத்ரா தானம், க்ருஹப்ரீத்தி நடந்தது. தொடர்ந்து காலை 11:00 மணிக்கு கோபுரத்துக்கு கும்பாபிஷேகம் நடத்தப்பட்டது. 11:30 மணிக்கு மூலஸ்தான மஹா கும்பாபிஷேகம் விமரிசையாக செய்யப்பட்டது. காலை 11:45 மணிக்கு மஹா ஆரத்தி மற்றும் பிரசாத வினியோகம் நடைபெற்றது. விழாவில் ஏராளமான பக்தர்கள் கலந்து கொண்ட தரிசனம் செய்தனர்.