அவிநாசி; அவிநாசி வட்டம், கருவலூர் ஊராட்சியில் மாரியம்மன் கோவில் இரண்டாம் நாள் தேர் திருவிழாவில் ஆயிரக்கணக்கான பக்தர்களால் தேர் வடம் பிடித்து இழுக்கப்பட்டது.

அவிநாசி ஒன்றியம், கருவலூர் ஊராட்சியில் எழுந்தருளியுள்ள மாரியம்மன் கோவிலில் வருடம் தோறும் பங்குனி மாதம் தேர் விழா நடைபெறுகின்றது. இந்த ஆண்டுக்கான தேர் விழா, கடந்த 22ம் தேதி கிராம சாந்தியுடன், தொடங்கியது. 23ம் தேதி கோவிலில் கொடியேற்றுதல், நிகழ்ச்சியை தொடர்ந்து, பல்வேறு பூத வாகனங்களில் அம்மன் எழுந்தருளி பக்தர்களுக்கு காட்சியளித்தார். இதில், 27ம் தேதி ருத்தேருக்கு அம்மன் எழுந்தருளி காட்சியளித்தார். தேர் விழாவில், மாலை 6 மணிக்கு, ஆயிரக்கணக்கான பக்தர்கள் ஓம் சக்தி பராசக்தி" என வின்னதிரும் கோஷத்துடன்,தேரை வடம் பிடித்து இழுத்தனர். முன்னதாக, முதல் நாளில்,தேர் நிலையிலிருந்து கிழக்கு ரத வீதிக்கு பக்தர்களால் இழுத்து நிறுத்தப்பட்டிருந்தது. நேற்று கிழக்கு ரத வீதியில் இருந்து மேற்கு ரத வீதிக்கும், இன்று மேற்கு ரத வீதியில் இருந்து தேர் நிலைக்கும் பக்தர்களால் வடம் பிடித்து நிலை வந்து சேரும். மேலும், நாளை (சனி) தொப்போற்சவம், காமதேனு வாகனம், பரிவேட்டை, நாளை மறுநாள் (ஞாயிறு) அம்பாள் சப்பரத்தில் புறப்படுதல், மஞ்சள் நீராடுதல், கொடி இறக்கத்தை தொடர்ந்து, ஏப்ரல் 3ம் தேதி பாலாபிஷேகம், மறு பூஜையுடன் தேர்விழா நிறைவு பெறுகின்றது.