மிருகசீரிடம்: உழைப்பால் உயர்வீர்கள்

சகோதர, தைரிய காரகனான செவ்வாயின் நட்சத்திரத்தில் நீங்கள் பிறந்திருந்தாலும், 1,2 ம் பாதங்களில் (ரிஷபம்) பிறந்தவர்களுக்கு மனக்காரகனான சந்திரன் ராசி நாதனாகவும், 3,4 ம் பாதங்களில் (மிதுனம்) பிறந்தவர்களுக்கு வித்யா காரகனான புதன் ராசி நாதனாகவும் உள்ளனர்.

பிறக்கும் குரோதி ஆண்டு 1,2 ம் பாதங்களில் பிறந்தவர்களுக்கு எதிர்பார்த்த முன்னேற்றம் உண்டாகும். தொழில், வேலையில் இருந்த நெருக்கடி விலகும். குடும்ப நலனில் அக்கறை உண்டாகும். செயலில் வேகத்துடன் விவேகமும் தோன்றும். வெளிநாட்டுத் தொடர்புகளால் லாபம் ஏற்படும். 3,4 ம் பாதங்களில் பிறந்தவர்களுக்கு உழைப்பும் முயற்சியும் தேவைப்படும். விரயச்செலவு அதிகரிக்கும். உடலில் இருந்த சங்கடம் தீரும். எதிர்ப்பு நீங்கும். செல்வாக்கு உயரும். உத்தியோகத்தில் இருந்த பிரச்னை முடிவிற்கு வரும். பதவி உயர்வு, ஊதிய உயர்வு ஏற்படும்.சமூகத்தில் உயர்வு உண்டாகும். தொட்டதெல்லாம் வெற்றியாகும்.

சனி சஞ்சாரம்
ஆண்டு முழுவதும் கும்ப ராசியில் சஞ்சரிக்கும் சனி தாரா பலன்களால் 4 பாதங்களில் பிறந்தவர்களுக்கும் அதிர்ஷ்ட பலன் வழங்குவார். 1,2 ம் பாதங்களில் பிறந்தவர்களுக்கு 2024, ஜூன் 19 - நவ.3 வக்கிர காலத்திலும், 2025, பிப். 27 - மார்ச் 29 அஸ்தமன காலத்திலும் நெருக்கடி விலகும். முயற்சி வெற்றியாகும். செயல்களில் ஏற்பட்ட தடைகள் நீங்கும். நினைத்ததை நடத்தி முடித்துக் கொள்ள முடியும். 3,4 ம் பாதங்களில் பிறந்தவர்களுக்கு பாக்ய சனியால் முயற்சிகள் எல்லாம் லாபமாகும். அதிர்ஷ்ட வாய்ப்பு தேடி வரும். தொழில், வியாபாரத்தில் முன்னேற்றம் ஏற்படும். லாபம் அதிகரிக்கும். உடல் பாதிப்பு விலகும்.

ராகு, கேது சஞ்சாரம்
ஆண்டு முழுவதும் ராகு மீனத்திலும், கேது கன்னியிலும் சஞ்சரிக்கும் நிலையில் 1,2 ம் பாதத்தில் பிறந்தவர்களுக்கு ராகுவால் ஆதாயம் அதிகரிக்கும். வெளிநாட்டு முயற்சிகள் வெற்றியாகும். திரைத்துறையினருக்கு புதிய ஒப்பந்தம் ஏற்படும். நினைத்ததை சாதிக்கும் நிலை உண்டாகும். பணம் பலவழியிலும் வரும். 3,4 ம் பாதங்களில் பிறந்தவர்களுக்கு உழைப்பு அதிகரிக்கும். தொழில் நிலையில் முன்னேற்றம் உண்டாகும். வெளிநாட்டு தொடர்பால் ஆதாயம் ஏற்படும்.  இழந்த சொத்து, செல்வாக்கை அடையும் நிலை ஏற்படும். நீண்டநாள் எண்ணம் நிறைவேறும்.

குரு சஞ்சாரம்
ஏப்.30 வரை 1,2 ம் பாதங்களில் பிறந்தவர்களுக்கு விரய ஸ்தானத்தில் சஞ்சரிக்கும் குருபகவான், செலவுகளை அதிகரித்தாலும் செல்வாக்கை உயர்த்துவார். விருப்பத்தை நிறைவேற்றுவார். 3,4 ம் பாதங்களில் பிறந்தவர்களுக்கு லாப ஸ்தானத்தில் சஞ்சரிக்கும் குரு, தொழில், வியாபாரத்தில் லாபத்தை அதிகரிப்பார். சுபநிகழ்ச்சியை நடத்தி வைப்பார். பொன், பொருள் சேர்க்கை தருவார். மே 1 முதல் 1,2 ம் பாதங்களில் பிறந்தவர்களுக்கு ஜென்ம குருவாகவும், 3,4 ம் பாதங்களில் பிறந்தவர்களுக்கு விரய குருவாகவும் சஞ்சரிப்பவர் பார்வைகளின் வழியே அதிர்ஷ்ட பலன்களைத் தருவார். வியாபாரம், தொழில், உத்தியோகம், குடும்பம் என அனைத்திலும் முன்னேற்றம் தருவார்.  

சூரிய சஞ்சாரம்
மிருகசீரிடம் 1,2ம் பாதத்தினருக்கு 2024, ஜூலை 17 - ஆக. 16, அக். 18 - நவ 15, 2025, 2025, பிப். 13 - ஏப். 13 காலங்களிலும், 3,4 ம் பாதத்தினருக்கு, 2024, ஏப். 14 - மே. 13, ஆக. 17 - செப் 16,  நவ. 16 - டிச 15, 2025, 2025, மார்ச் 15 - ஏப். 13 காலங்களிலும் உங்கள் நிலையில் முன்னேற்றத்தை உண்டாக்குவார். சங்கடங்களை போக்கி பிரகாசமான நிலையை ஏற்படுத்துவார். பிரச்னைகளை எல்லாம் விலக்கி வைப்பார். அரசியல்வாதிகளுக்கு செல்வாக்கை அதிகரிப்பார். உத்தியோகத்தில் இருப்பவர்களுக்கு உயர்வை ஏற்படுத்துவார். வழக்குகளில் நல்ல முடிவைத் தருவார். அரசு வழி முயற்சியில் ஆதாயத்தை ஏற்படுத்துவார்.

பொதுப்பலன்
குரோதி யோகமான ஆண்டாக இருக்கும். தொட்டதெல்லாம் பொன்னாகும். வியாபாரம் விருத்தியாகும். சமூகத்தில் செல்வாக்கு உயரும். நஷ்டத்தில் இயங்கிய தொழில் லாபத்தில் செல்லும். பொருளாதாரம் உயரும். புதிய முயற்சிகளில் ஈடுபட்டு வெற்றி அடைவீர்கள்.

தொழில்
இயந்திர தொழிற்சாலை, ஸ்பேர் பார்ட்ஸ் தயாரிப்பு, நவீன சாதனங்கள் உற்பத்தி, ரியல் எஸ்டேட், பில்டர்ஸ், ஏற்றுமதி இறக்குமதி வியாபாரம், விவசாயம் செய்வோருக்கு முன்னேற்றம் உண்டாகும். ஆசிரியர்கள், கலைஞர்கள், அறுவை சிகிச்சை மருத்துவர்கள் வளர்ச்சி காண்பர்.

பணியாளர்கள்
வேலைப்பளு அதிகரிக்கும் என்றாலும் அதற்கேற்ப நன்மை உண்டாகும். எதிர்பார்த்த சலுகை, ஊதிய உயர்வு கிடைக்கும். சிலருக்கு புதிய பொறுப்பு உண்டாகும். அரசு ஊழியர்களுக்கு பணியில் இருந்த பிரச்னைகள் முடிவிற்கு வரும். நெருக்கடி தீரும்.

பெண்கள்
குடும்பத்தினரின் அரவணைப்பால் விருப்பங்களை நிறைவேற்றிக் கொள்வீர்கள். திருமண வயதினருக்கு வரன் வரும். கணவன், மனைவிக்கிடையே ஒற்றுமை அதிகரிக்கும். பொன், பொருள் சேரும். திறமைக்கேற்ற வேலை கிடைக்கும். பணிபுரியும் இடத்தில் வேலைப்பளு அதிகரித்தாலும் அதற்கேற்ப சலுகை கிடைக்கும்.

கல்வி
பொதுத்தேர்வு, போட்டித் தேர்வுகளில் எதிர்பார்த்த மதிப்பெண்கள் கிடைக்கும். மேற்கல்வி முயற்சி வெற்றியாகும். விரும்பிய கல்லுாரியில் நினைத்த பாடப்பிரிவும் கிடைக்கும்.

உடல்நிலை
உடல் நிலையில் இருந்த சங்கடம் தீரும். நீண்டநாட்களாக நோய்கள் விலகி முன்னேற்றம் தோன்றும். பரம்பரை, தொற்று நோய்களில் ஏற்பட்ட பாதிப்புகள் இயற்கை வைத்தியத்தால் குறையும்.

குடும்பம்
வருமானத்தில் இருந்த தடை விலகும். பணம் பல வழிகளிலும் வரும். தம்பதிகள் ஒருவரை ஒருவர் அனுசரித்துச் செல்வர். குடும்பத்தில் இருந்த நெருக்கடி விலகும். திட்டமிட்டபடி சுபநிகழ்ச்சிகள் நடைபெறும். பிள்ளைகளால் மகிழ்ச்சி அதிகரிக்கும். உறவினர்களுடன் ஒற்றுமை உண்டாகும். சொத்து சேர்க்கை ஏற்படும். நினைத்ததைச் செய்து முடித்து ஆதாயம் காண முடியும். சிலருக்கு புதிய வீடு, வாகனம் அமையும்.