குன்னுார்; வெலிங்டன் சின்ன வண்டிச்சோலை தேவி கருமாரியம்மன் கோவிலில், 117வது ஆண்டு கரக உற்சவ விழா விமரிசையாக நடந்தது. கணபதி ஹோமம், கொடியேற்றத்துடன், துவங்கிய விழாவில், சீர்வரிசை எடுத்து செல்லும் நிகழ்ச்சி, முகூர்த்த வளையல் அணிவித்தல், காப்புகட்டு, அபிஷேக, ஆராதனை, கஞ்சி வார்த்தல் நடந்தது. 15 நாட்கள் விரதம் மேற்கொண்ட கன்னி பெண்கள், சிறுமியர் பாரம்பரிய முறையில் மஞ்சள் பூசி, கரகம் எடுத்தனர். சாட்டையடி நிகழ்ச்சி நடந்தது. பக்தர்கள் பக்தி பரவசத்துடன் தீ சட்டியுடன் பூகுண்டம் இறங்கினர். அன்னதானம், வாணவேடிக்கை நிகழ்ச்சி நடந்தது. மஞ்சள் நீராடல் மறு பூஜை, விடையாற்றி உற்சவத்துடன் விழா நிறைவு பெற்றது. ஏற்பாடுகளை விழா குழுவினர், சுற்றுப்புற கிராம மக்கள் செய்தனர்.