கடலுார்; கடலுார் திருப்பாதிரிப்புலியூர் பாடலீஸ்வரர் கோவிலில், ஆனி திருமஞ்சன விழா நடந்தது. விழாவையொட்டி இன்று காலை 7:30 மணிக்கு நடராஜர், சிவகாமசுந்தரிக்கு அபிஷேகம் நடந்தது. இதையடுத்து, பாடலீஸ்வரர், பெரியநாயகி அம்மனுக்கு அபிஷேகம், தீபாராதனை நடந்தது. தொடர்ந்து, காலை 11:00 மணியளவில் மண்டபத்தில் நடராஜர், சிவகாமசுந்தரிக்கு சிறப்பு தீபாராதனை மற்றும் ஆனந்த தாண்டவம் நடந்தது. சுவாமி மூன்று முறை முன்னும், பின்னும் நடனமாடி பக்தர்களுக்கு அருள்பாலித்தார். ஏராளமான பக்தர்கள் சுவாமி தரிசனம் செய்தனர்.