காஞ்சிபுரம்; காஞ்சி காமாட்சியம்மன் பக்தர்களான, நங்கநல்லுாரைச் சேர்ந்த விஜயகுமார் – நீரஜா தம்பதி. அம்மன் கோவிலுக்கு தங்க முலாம் பூசப்பட்ட வெள்ளிக்குடையை காணிக்கையாக வழங்க முடிவு செய்தனர். அதன்படி, தங்க முலாம் பூசப்பட்ட வெள்ளி குடையை தயார் செய்து, காஞ்சிபுரம் காமாட்சியம்மன் கோவில் ஸ்ரீகார்யம் சுந்தரேச அய்யரிடம், நேற்று வழங்கினர். முன்னதாக, காஞ்சிபுரம் சங்கர மடத்தில் உள்ள மஹா பெரியவா சந்திரசேகரேந்திர சரஸ்வதி சுவாமிகள் மற்றும் ஜெயேந்திர சரஸ்வதி சுவாமிகள் பிருந்தாவனத்தில், காணிக்கையாக வழங்க உள்ள தங்க முலாம் பூசப்பட்ட வெள்ளி குடையை வைத்து வழிபாடு செய்தனர்.