மானாமதுரை; மானாமதுரை வீர அழகர் கோயிலில் ஆடி பிரம்மோற்ஸவ விழாவில் நாளை 21ம் தேதி தேரோட்டமும், 22ம் தேதி தீர்த்தவாரி நிகழ்ச்சியும் நடைபெற உள்ளது.

சிவகங்கை சமஸ்தானம் தேவஸ்தானம் நிர்வாகத்துக்குட்பட்ட மானாமதுரை வீர அழகர் கோயிலில் வருடம் தோறும் ஆடி பிரம்மோற்ஸவ விழா தொடர்ந்து 10 நாட்கள் நடைபெறும்.இந்த நாட்களின் போது சுவாமி பரங்கி நாற்காலி,பல்லக்கு,குதிரை,சிம்மம் உள்ளிட்ட பல்வேறு வாகனங்களில் மண்டகப் படிகளுக்கு எழுந்தருளி பக்தர்களுக்கு காட்சியளிக்க உள்ளார். இந்தாண்டுக்கான விழா கடந்த 13ம் தேதி கொடியேற்றத்துடன் துவங்கியது .இதனைத் தொடர்ந்து விழா நாட்களின் போது சுவாமி வீதி உலா நடைபெற்றது.நேற்று சுந்தரபுரம் கடைவீதி மண்டகப்படிக்கு பல்லக்கில் வீரழகர் எழுந்தருளினார்.முன்னதாக மண்டகப்படி நிர்வாகிகள் முத்துராமன்,மணி(எ) ரெங்கநாதன்,ரவிக்குமார்,கண்ணன், மாரிமுத்து,பாண்டி ஆகியோர் சுவாமியை மண்டகப்படிக்கு அழைத்து வந்தனர். நேற்று இரவு பூப்பல்லக்கில் வீர அழகர் வீதி உலா வந்தார்.முக்கிய நிகழ்ச்சியான தேரோட்டம் நாளை மாலை 6:00 மணிக்கும், 22ஆம் தேதி பட்டத்தரசி கிராம மண்டகப்படியில் தீர்த்தவாரி உற்சவ நிகழ்ச்சியும் நடைபெற உள்ளது. விழாவிற்கான ஏற்பாடுகளை தேவஸ்தான மேலாளர் இளங்கோ,கண்காணிப்பாளர் சீனிவாசன்,அர்ச்சகர் கோபி மாதவன்(எ) முத்துச்சாமி ஆகியோர் செய்து வருகின்றனர்.