அவிநாசி; அவிநாசி வாணியர் வீதியில் எழுந்தருளியுள்ள ஸ்ரீ முனியப்ப ஸ்வாமி,ஸ்ரீ ஆதிபராசக்தி கோவிலில் ஆடி பொங்கல் விழா நடைபெற்றது.

அவிநாசி வாணியர் வீதியில் எழுந்தருளியுள்ள ஸ்ரீ முனியப்ப சுவாமி ஸ்ரீ ஆதிபராசக்தி கோவிலில் ஆடி பொங்கல் விழாவை முன்னிட்டு கடந்த 5ம் தேதி கணபதி ஹோமம், உலக மக்கள் நலம் பெற வேண்டி நந்தா தீபம் ஏற்றுதல் நடைபெற்றது. அதனைத் தொடர்ந்து இன்று அவிநாசி லிங்கேஸ்வரர் கோவிலில் இருந்து பால் குடம், தீர்த்த குடம் எடுத்து ஊர்வலமாக சென்றனர். மேலும் ஸ்ரீ முனியப்ப ஸ்வாமி மற்றும் ஸ்ரீ ஆதிபராசக்திக்கு மஹா அபிஷேகம்,சிறப்பு மலர் அலங்காரம் ஆகியவை நடைபெற்றது. நாளை மஞ்சள் நீராட்டு விழாவுடன் ஆடி பொங்கல் விழா நிறைவு பெறுகிறது. ஆடிப் பொங்கல் விழாவை முன்னிட்டு வாணியர் வீதி, முனியப்பன் கோவில் வீதி பொது மக்கள் மற்றும் விழா குழுவினர் சார்பில் அன்னதானம் வழங்கப்பட்டது.