காரைக்கால்; காரைக்காலில் கலெக்டர் அலுவலகத்தில் உள்ள யோக நரசிம்மருக்கு சுவாதி நட்சத்திரத்தை முன்னிட்டு சிறப்பு அபிஷேகம் ஆராதனை நடைபெற்றது.

காரைக்கால் மாவட்ட கலெக்டர் அலுவலகம் பின்புறத்தில் உள்ள யோக நரசிம்மருக்கு தினம் சிறப்பு பூஜை நடைபெற்று வருகிறது. நேற்று ஆடி சுவாதி நட்சத்திரத்தை முன்னிட்டு நரசிம்மருக்கு சந்தனம் தேன் பால் உள்ளிட்ட பல வகையான திரவங்களால் கொண்ட அபிஷேகம் நடைபெற்றது. பின்னர் நரசிம்மருக்கு பல வண்ண மலர்களால் கொண்டு சிறப்பு அலங்காரம் செய்யப்பட்டு மகாதீபாரனை நடைபெற்றது. பின்னர் பக்தர்களுக்கு பிரசாதம் மற்றும் அன்னதானம் வழங்கப்பட்டது. இந்நிகழ்ச்சியில் கந்தாஸ் ராஜா. சிவ கணேஷ். அரசன் உள்ளிட்ட ஏராளமான பக்தர்கள் கலந்து கொண்டு நரசிம்மரை வழிபட்டனர்.