மயிலாடுதுறை; ஸ்ரீநிவாச பெருமாள் கோவில் தேரோட்டம்- வடமாநில தொழிலாளர் உள்ளிட்ட திரளான பக்தர்கள் வடம் பிடித்து இழுத்தனர்.

மயிலாடுதுறை அடுத்த பல்லவராயன் பேட்டையில் புகழ்பெற்ற ஸ்ரீநிவாச  பெருமாள் கோயில் அமைந்துள்ளது. இங்கு ஆண்டு பிரம்மோற்சவத்தின் முக்கிய  திருவிழாவான திருதேரோட்டம் இன்று நடைபெற்றது. இதனை முன்னிட்டு கோயிலில் இருந்து ராஜ அலங்காரத்தில்  ஸ்ரீநிவாச பெருமாள் தாயாருடன் திருத்தேரில் எழுந்தருளினார். மஹா தீபாராதனை காண்பிக்கப்பட்டதும்  ஏராளமான பக்தர்கள் பங்கேற்று கோவிந்தா கோவிந்தா என்ற பக்தி கோஷத்துடன் தேரை வடம் பிடித்து இழுத்தனர். இதில் வடமாநில தொழிலாளர்களும் பங்கேற்று பக்தி  பரவசத்துடன் தேரினை இழுத்து வழிபட்டனர். தொடர்ந்து தேர் திருவிழந்தூர் பரிமள ரெங்கநாதர் கோயிலில் நான்கு ரத வீதிகளில் வழியே மீண்டும் கோவிலை அடைந்தது. அப்போது வீடுகள், வணிக நிறுவனங்களில் பக்தர்கள் பெருமாளுக்கு அர்ச்சனை செய்து வழிபாடு நடத்தினர்.