திருப்புத்தூர்; திருப்புத்தூர் திருத்தளிநாதர் கோயிலில் கந்த சஷ்டி விழாவை முன்னிட்டு நாளை திருக்கல்யாணம் நடைபெறுகிறது.

இக்கோயிலில்  நவ.2 ல் கந்தசஷ்டி விழா துவங்கியது. தொடர்ந்து தினசரி மூலவருக்கு  மாலையில் அபிஷேக, ஆராதனைகள் நடைபெறுகின்றன. மேலும் உற்ஸவர் திருநாள் மண்டபத்தில் எழுந்தருளி தீபாராதனை நடந்தது.இன்று ஆறாம் திருநாளை முன்னிட்டு மூலவருக்கு காலை 10:30 அபிஷேக, ஆராதனைகள் நடைபெற்றது. மாலை 3:00 மணிக்கு கீழரதவீதியில் சூரன் வலம் வருதல் துவங்கும். பின்னர் மாலை 4:30 மணிக்கு சிவகாமி அம்பாளிடம் வேல்வாங்கி உற்ஸவ முருகனுக்கு தீபாராதனை நடந்து கோயிலிலிருந்து புறப்பாடு துவங்கும். பின்னர் கீழரத வீதியில் எழுந்தருளி சூரனை தலையை கொய்து சூரசம்ஹாரம் நடைபெறும். தொடர்ந்து திருவீதி உலா நடைபெறும். நாளை காலை 9:30 மணிக்கு மேல் 10:30 மணிக்குள் சுப்பிரமணியருக்கும் தெய்வானைக்கும் திருக்கல்யாணம் நடைபெறும்.