திருப்பதி; புனித கார்த்திகை மாசத்தில் நடைபெறும் கார்த்திகை வனபோஜனம் மஹோத்சவத்தில் நேற்று திருமலா வைபவ விழா மண்டபத்தில் ஸ்ரீ பூதேவி சமேத ஸ்ரீ மலையப்ப சுவாமிகளுக்கு ஸ்நபன திருமஞ்சனம் நடைபெற்றது.

விழாவை முன்னிட்டு பால், தயிர், தேன், சந்தனம், மஞ்சள் மற்றும் பிற வாசனை திரவியங்களால் சிறப்பு அபிஷேகம் செய்யப்பட்டது. பின், வேதகோஷம் மற்றும் மங்கள வாத்தியங்களுடன் சிறப்பு வழிபாடு, அபிஷேகம், ஆராதனைகள் நடைபெற்றது. விழாவில் மாலை ஸ்ரீதேவி, பூதேவியுடன் ஸ்ரீமலையப்பசுவாமி கோயிலின் நான்கு வீதிகளிலும் வலம் வந்து பக்தர்களுக்கு அருள்பாலித்தார். தொடர்ந்து பக்தர்களுக்கு அன்னபிரசாதங்கள் வழங்கப்பட்டது. விழாவில் ஈவோ ஜெ.ஷ்யாமலராவ் மற்றும் லோகநாதம், சுரேந்திரா, பேஷ்கர் ராமகிருஷ்ணா மற்றும் ஏராளமான பக்தர்கள் கலந்து கொண்டு தரிசனம் செய்தனர்.