அவிநாசி; சேவூர் ஸ்ரீ பால சாஸ்தா ஐயப்பன் கோவில் கும்பாபிஷேகம் நடைபெற்றதை முன்னிட்டு, புஷ்ப பல்லாக்கில் சுவாமி திருவீதி உலா வந்து அருள்பாலித்தார்.

அவிநாசி அடுத்த சேவூர் ஸ்ரீ பால சாஸ்தா ஐயப்பன் கோவிலில் நேற்று முன்தினம் மஹா கும்பாபிஷேக விழா விமர்சையாக நடைபெற்றது. நேற்று கும்பாபிஷேக விழா நிறைவு நிகழ்ச்சியாக புஷ்ப பல்லாக்கில் சுவாமி ஐயப்பன் திருவீதி உலா வரும் நிகழ்ச்சி நடைபெற்றது. விழாவை முன்னிட்டு ஐயப்பன் மலர்களால் அலங்கரிக்கப்பட்டு பக்தர்களுக்கு காட்சியளித்தார். கோவிலில் நேற்று முதல் மண்டல பூஜை விழா துவங்கியுள்ளது. இதற்காக நாள்தோறும் மாலை 6:00 மணி முதல் 6:45 மணி வரை மஹா அபிஷேகமும், அதனைத் தொடர்ந்து 7:15 மணி வரை மஹா அலங்காரமும், மஹா தீபாராதனையும் நடைபெறும். கும்பாபிஷேக மண்டல பூஜை விழா, வரும் டிசம்பர் 14ம் தேதி வரை 24 நாட்கள் நடைபெறுகிறது.