திருச்சி; ஸ்ரீரங்கம் ரெங்கநாதர் கோவிலில், பூபதி திருநாள் எனப்படும் தை தேர் திருவிழா, கொடியேற்றத்துடன் துவங்கி சிறப்பாக நடைபெற்று வருகிறது. தொடர்ந்து, 11 நாட்கள் நடைபெறும் உற்சவ நாட்களில், பல்வேறு வாகனங்களில் நம்பெருமாள் வீதி உலா நடைபெறும். அதன்படி தை தேர் பூபதித்திருநாள் உற்சவம் இரண்டாம் திருநாள் காலை ஒற்றை பிரபை வாகனத்தில் நம்பெருமாள் திருவீதி உலா வந்து அருள்பாலித்தார். இதில் ஏராளமான பக்தர்கள் கலந்து கொண்டு தரிசனம் செய்தனர். வரும் 10ம் தேதி, முக்கிய நிகழ்ச்சியான தை தேரோட்டம் நடைபெறுகிறது.