சோளிங்கர்; ராணிப்பேட்டை மாவட்டம், சோளிங்கர் அடுத்த கொண்டபாளையத்தில் யோக நரசிம்மர் மலைக்கோவில் அமைந்துள்ளது. இந்த மலைக்கோவிலுக்கு கிழக்கில், சின்ன மலையில், யோக அனுமன் அருள்பாலித்து வருகிறார். யோக நரசிம்மரின் உத்சவ மூர்த்தியான பக்தோசித பெருமாள் கோவில், சோளிங்கர் நகரில் அமைந்துள்ளது. பிரம்ம தீர்த்தம் எனப்படும் தக்கான் குளம், கொண்டபாளையம் கூட்டு சாலையில் உள்ளது. தக்கான் குளத்தில், மாசி மாதம் தெப்ப உத்சவம் நேற்று துவங்கியது. மூன்று நாள் உத்சவத்தின் முதல் நாளான நேற்று அலங்கரிக்கப்பட்ட தெப்பலில், பக்தோசித பெருமாள் எழுந்தருளினார். திரளான பக்தர்கள் சுவாமியை தரிசனம் செய்தனர்.