ராமேஸ்வரம்; ராமேஸ்வரம் ராமநாதசுவாமி கோயில் உண்டியலில் காணிக்கையாக 1 கோடியே 44 லட்சத்து 62 ஆயிரத்து 291 ரூபாய் வருவாயாக கிடைத்தது. ராமேஸ்வரம் கோயிலில் 30 நாட்களுக்குப் பின் நேற்று ராமநாதசுவாமி, பர்வதவர்த்தினி அம்மன் சன்னதி மற்றும் பஞ்சமூர்த்திகள் சன்னதி முன்புள்ள உண்டியல்களை கோயில் இணை ஆணையர் செல்லதுரை முன்னிலையில் கோயில் ஊழியர்கள் திறந்து காணிக்கைகளை சேகரித்தனர். இதனை கோயில் கல்யாண மண்டபத்தில் கோயில் பேஸ்கார்கள் கமலநாதன், பஞ்சமூர்த்தி, முனியசாமி, சேலம் பகுதியை சேர்ந்த சிவனடியார் குழுவினர் பலர் எண்ணினார்கள். இதில் ரொக்க பணம் ரூ. 1 கோடியே 44 லட்சத்து 62 ஆயிரத்து 291 ரூபாயும், தங்கம் 55 கிராம், வெள்ளி 2 கிலோ 900 கிராம் காணிக்கையாக கிடைத்தது.