விழுப்புரம்; விழுப்புரம் பிரஹன்நாயகி சமேத கைலாசநாதர் கோவிலில் இன்று ஏகாதச ருத்ர ஜெப ஹோம பாராயணம் நடந்தது. அதனையொட்டி, இன்று காலை 7:00 மணிக்கு கோ பூஜை, விக்னேஸ்வர பூஜை நடந்தது. தொடர்ந்து, 9:00 மணிக்கு சங்கல்பம், 10:00 மணிக்கு கைலாசநாதருக்கு 1,008 தாமரை பூக்களால் சிறப்பு ருத்ர ஹோமமும், 10:30 மணிக்கு ருத்ரா அபிஷேகம், ஜெபம் நடந்தது. பகல் 12:00 மணிக்கு பூர்ணாஹூதி, சுவாமிக்கு மகா தீபாராதனை, 12:15 மணிக்கு சகஸ்ரநாம அர்ச்சனை நடந்தது. திரளான பக்தர்கள் சுவாமி தரிசனம் செய்தனர். ஏற்பாடுகளை கோவில் நிர்வாகிகள் மற்றும் அப்பகுதி மக்கள் செய்தனர்.