வடவள்ளி; மருதமலை சுப்பிரமணிய சுவாமி கோவில் உண்டியலில், 84.48 லட்சம் ரூபாய் பக்தர்கள் காணிக்கையாக பெறப்பட்டது.

முருகனின் ஏழாம் படைவீராக மருதமலை சுப்பிரமணியசுவாமி கோவில் கருதப்படுகிறது. இக்கோவிலில் உண்டில் எண்ணிக்கை நேற்று நடந்தது. இதில், நிரந்தர உண்டியலில், 80,02,563 ரூபாயும், திருப்பணி உண்டியலில், 1,29,489 ரூபாயும்; கோசாலை உண்டியலில், 3,16,435 என, மொத்தம், 84,48,487 ரூபாய் பக்தர்கள் காணிக்கையாக இருந்தது. அதோடு, 43 கிராம் 100 மி.கி., தங்கமும்; 6 கிலோ 811 கிராம் வெள்ளியும்; 18 கிலோ 175 கிராம் பித்தளையும் இருந்தது. மருதமலை சுப்பிரமணிய சுவாமி கோவில் தக்கார் ஜெயகுமார், துணை கமிஷனர் செந்தில்குமார், ஆனைமலை மாசாணியம்மன் கோவில் செயல் அலுவலர் முத்துராமலிங்கம் ஆகியோர் உண்டியல் எண்ணும் பணியை மேற்பார்வையிட்டனர். உண்டியல் எண்ணும் பணியில் பக்தர்கள் ஈடுபட்டனர்.