அவிநாசி; மஹா சிவராத்திரியை முன்னிட்டு ஆயிரம் கிலோமீட்டர் ஷிவாங்கா பாதயாத்திரை. 

மஹா சிவராத்திரி வரும் 15ம் தேதி கொண்டாடப்படுகிறது. அதனை முன்னிட்டு கர்நாடகா மாநிலம் உடுப்பிலிருந்து தமிழகத்தின் கோவை மாவட்டம், வெள்ளியங்கிரி மலைக்கு சிவ யாத்திரை என்ற புனித பாதயாத்திரை ஆதியோகி ரதத்துடன் புறப்பட்டு இன்று அவிநாசி லிங்கேஸ்வரர் கோவிலுக்கு வந்தது. பின்னர் அவிநாசியில் லிங்கேஸ்வரர் கோவிலில் சிவனடியார்கள் சிறப்பு வழிபாடு ஆதியோகி ரதத்திற்கு செய்தனர் . அதனைத்தொடர்ந்து ஆதியோகி ரதத்துடன் சிவயாத்திரை வெள்ளியங்கிரி மலையை நோக்கி புறப்பட்டது. இந்த ஷிவாங்கா சிவயாத்திரையில் 75 சிவனடியார்கள் பங்கேற்றுள்ளனர். உடுப்பிலிருந்து நூற்றுக்கும் மேற்பட்ட கிராமங்கள், நகரங்களை கடந்து 70 நாட்களில், 1000 கிலோமீட்டர் கொண்ட பாதயாத்திரையை வெள்ளியங்கிரி மலை அடிவாரத்தில் நிறைவு செய்கின்றனர்.