சிங்கபெருமாள் கோவில்,;சிங்கபெருமாள் கோவில் அடுத்த திருக்கச்சூர் கிராமத்தில் பழமையான அஞ்சனாட்சி சமேத கச்சபேஸ்வரர் கோவில் உள்ளது. சைவ குறவர்களில் ஒருவரான சுந்தரரால் பாடல் பெற்ற தலம். ஈசன் அந்தணர் வடிவில் வந்து, வீடு தோறும் யாசகம் பெற்று சுந்தரருக்கு அருள் பாலித்தார் என்பது தல வரலாறு. இங்கு ஆண்டு தோறும் மாசி மாதம் சுந்தரருக்கு விருந்திட்ட விழா விமரிசையாக நடைபெறும். இதையடுத்து நேற்று காலை இந்த விழா விமரிசையாக நடைபெற்றது. காலை அபிஷேக ஆராதனையை தொடர்ந்து யானை வாகனத்தில் சுந்தர் பிரகார புறப்பாடு நடைபெற்றது. இதையடுத்து, திருமுறை பாராயணம் சொற்பொழிவு மற்றும் அன்னதானம் வழங்கப்பட்டது.