தேவகோட்டை: தேவகோட்டை மீனாட்சி சுந்தரேஸ்வரர் கோயில் சித்திரை திருவிழாவை முன்னிட்டு நேற்று கணபதி ஹோமம் நடைபெற்றது. இன்று காலை கொடியேற்றத்துடன் விழா தொடங்கியது. சுந்தரேஸ்வரர் சன்னதி கொடியும், மீனாட்சி அம்மன் சன்னதி கொடியும் கோயில் மற்றும் ஊரணியை சுற்றி வலம் வந்து பூஜைகள் கொடிக்கு நடைபெற்றன. இதனை தொடர்ந்து சேதுக் குருக்கள் கொடிமரத்தில் கொடியை ஏற்றினார். இதனை தொடர்ந்து தேவாரம் பாட, மேளதாளத்துடன் சுவாமி சன்னதி கொடிமரம், அம்மன் சன்னதி கொடிமரதிற்கு சிறப்பு அபிஷேகங்கள், அலங்காரங்களை தொடர்ந்து சிறப்பு பூஜைகள் நடந்தன. ஏராளமான பக்தர்கள் கொடிமரம் தரிசனம் செய்தனர். மாலையில் சித்திரை திருவிழா சுவாமிக்கு காப்பு கட்டப்பட்டது. திருவிழாவிற்கான ஏற்பாடுகளை கோயில் டிரஸ்டிகள் செய்திருந்தனர்.