உடன்குடி: உடன்குடி இசக்கியம்மன் கோயில் கொடை விழா துவங்கியது.உடன்குடி இசக்கியம்மன்நகர் இசக்கியம்மன் கோவில் அப்பகுதியில் பிரசித்திப்பெற்றது. இக்கோயில் வருடாந்திர கொடை விழா இன்று மாலை 6அமணிக்கு கும்பாபிஷேகத்துடன் துவங்குகிறது.இரவு 7 மணிக்கு திருவிளக்கு பூஜையும், இரவு 9 மணிக்கு வில்லிசையும், இரவு 12 மணிக்கு தீபாராதனையும் நடக்கிறது. வரும் 30ம் தேதி காலை 9 மணிக்கு பால் அபிஷேகம், தொடர்ந்து வில்லிசையும் நண்பகல் ஒரு மணி மற்றும் நடுஇரவு ஒரு மணிக்கு தீபாராதனையும் நடக்கிறது.நண்பகல் மற்றும் நடுஇரவு நேரங்களில் அன்னதானமும் வழங்கப்படுகிறது. ஏற்பாடுகளை விழா கமிட்டியினர் செய்து வருகின்றனர்.