உளுந்தூர்பேட்டை: பரிக்கல் லட்சுமி நரசிம்மர் சுவாமி கோவிலில் பிரம்மோற்சவ விழா வரும் 12ம் தேதி துவங்குகிறது. உளுந்தூர்பேட்டை தாலுகா பரிக்கல் லட்சுமி நரசிம்மர் சுவாமி கோவிலில் பிரம்மோற்சவ விழா 12ம் தேதி துவங்கி 22ம் தேதி தெப்ப உற்சவத்துடன் முடிவடைகிறது. பிரம்மோற்சவத்தையொட்டி வரும் 11ம் தேதி இரவு 8.30 மணிக்கு மேல் அங்குரார்பணம் நடக்கிறது. தொடர்ந்து 12ம் தேதி காலை 6 மணிக்கு மேல் கொடியேற்றத்துடன் விழா துவங்குகிறது. அன்றிரவு ஹம்ச வாகனத்தில் உற்சவமும், 13ம் தேதி சிம்ம வாகனத்திலும், 14ம் தேதி ஹனுமந்த வாகனத்திலும், 15ம் தேதி நாக வாகனத்திலும், 16ம் தேதி உபய கருட சேவை நடக்கிறது. இதையடுத்து 17ம் தேதி காலையில் திருக்கல்யாணமும், மாலை வசந்த உற்சவமும், இரவு யானை வாகனத்தில் உற்சவமும் நடக்கிறது. தொடர்ந்து 18ம் தேதி சோம சூரிய பிரபையும், 19ம் தேதி குதிரை வாகனத்திலும் உற்சவம் நடக்கிறது. வரும் 20ம் தேதி காலை 6 மணிக்கு மேல் ரதாரோஹணம், திருத்தேர் வடம் பிடித்து இழுத்தல் நடக்கிறது. அவரோஹணத்தில் உற்சவமும், 21ம் தேதி மட்டையடி சப்தாவரணம், 22ம் தேதி தெப்ப உற்சவமும் நடக்கிறது.