பெரம்பலூர்: பெரம்பலூர் அருகே சிறுவாச்சூர் ஸ்ரீமதுரகாளியம்மன் கோயில் திருவிழா இன்று காப்புக்கட்டுதல் நிகழ்ச்சியுடன் துவங்குகிறது. பெரம்பலூர் மாவட்டத்தில் புகழ்பெற்ற புண்ணியதலமான சிறுவாச்சூர் ஸ்ரீமதுரகாளியம்மன் கோயில் சித்திரை பெருந்திருவிழாவையொட்டி கடந்த 29ம் தேதி பூச்சொரிதல் நடந்தது. இதைத்தொடர்ந்து இன்று 6ம்தேதி காப்புக்கட்டுதல் நிகழ்ச்சியுடன் விழா தொடங்குகிறது. தொடர்ந்து 9ம்தேதி முதல் 14ம்தேதி வரை சுவாமி பல்வேறு வாகனங்களில் அலங்கரிக்கப்பட்டு திருவீதி உலா வந்து பக்தர்களுக்கு அம்மன் அருள்பாலிப்பார். 13ம் தேதி மலைக்கோவில் பூஜையும், 14ம்தேதி திருக்கல்யாணமும், 15ம் தேதி திருத்தேரோட்ட விழாவும் நடக்கிறது. 17ம் தேதி மஞ்சள் நீருடன் விழா நிறைவு பெறுகிறது.