சாத்தூர் : இருக்கன்குடி மாரியம்மன் கோயில் உண்டியல் திறக்கப்பட்ட நிலையில்,31 லட்சத்து 14 ஆயிரத்து 294 ரூபாய், 120 கிராம் தங்கம் காணிக்கையாக கிடைத்தது. சாத்தூர் இருக்கன்குடி மாரியம்மன் கோயில் உண்டியல்கள் திறக்கப்பட்டு,காணிக்கை பொருட்கள் கணக்கிடப்பட்டன. விருதுநகர் இந்து சமயஅறநிலையத்துறை உதவி ஆணையாளர் கவிதாப்ரியதர்ஷினி, கோயில் செயல்அலுவலர் தனபாலன், பரம்பரை அறங்காவலர் குழுத்தலைவர் ராமமூர்த்திபூஜாரி முன்னிலையில், உண்டியல்கள் திறக்கப்பட்டன. இருக்கன்குடி ஒம் சக்தி வார வழிபாட்டுக்குழுவினர், கோயில் அலுவலர்கள், பணியாளர்கள் காணிக்கை பொருட்களை கணக்கிட்டனர். கடந்த ஒரு மாதத்தில் மட்டும், 31 லட்சத்து 14 ஆயிரத்து294 ரூபாய், 120 கிராம் தங்கம், 320 கிராம் வெள்ளி காணிக்கையாக கிடைத்தது.