விருத்தாசலம்: கிருத்திகையையொட்டி, விருத்தாசலம் முருகன் கோவில்களில் நேற்று சிறப்பு வழிபாடு நடந்தது. விருத்தாசலம் மணவாளநல்லூர்  கொளஞ்சியப்பர் சுவாமி கோவிலில், காலையில் சித்தி விநாயகர், கொளஞ்சியப்பர் சுவாமிகளுக்கு சிறப்பு அபிஷேகம், வெள்ளிக் கவசத்தில்  தீபாராதனை நடந்தது. பகல் 12:00 மணிக்கு சந்தனக்காப்பு அலங்காரத்தில் கொளஞ்சியப்பர் அருள்பாலித்தார். விருத்தகிரீஸ்வரர் கோவிலில் வள்ளி,  தெய்வானை சமேத சுப்ரமணியர் சுவாமிக்கு சிறப்பு அபிஷேக ஆராதனை நடந்தது. வேடப்பர் சுவாமி கோவிலிலும் சிறப்பு பூஜை நடந்தது. ஏராளமானோர் சுவாமி தரிசனம் செய்தனர்.

  அருள்மிகு கொளஞ்சியப்பர் திருக்கோயில்