கும்மிடிப்பூண்டி : கும்மிடிப்பூண்டி பிரசன்ன வெங்கடேச பெருமாள் கோவிலில், கருடசேவை திருவீதி உலா நடந்தது. கும்மிடிப்பூண்டி, பஜார் வீதியில் அமைந்துள்ளது பிரசன்ன வெங்கடேச பெருமாள் கோவில். அந்த கோவிலில், 25ம் ஆண்டு, புரட்டாசி மாத உற்சவங்கள் சிறப்பாக நடந்தன. சத்திய நாராயண பூஜை, சுதர்சன ஹோமம், திருமஞ்சனம், திருக்கல்யாணம், ஊஞ்சல் சேவை, லட்சார்ச்சனை நடைபெற்றன.நிறைவு நிகழ்வாக, நேற்று காலை, பெருமாள், கும்மிடிப்பூண்டியின் முக்கிய வீதிகள் வழியாக கருட வாகனத்தில் வீதி உலா சென்று பக்தர்களுக்கு அருள்பாலித்தார்.