தலைமையுறு கமலைதிரு நாவலம் பதியருணை
சாற்றுகா ளத்தி நகரம்  
சச்சிதா நந்தநட னம்செய்புலி யூர்இவை
தகும்பஞ் சபூ தத்தலம்
நலமருவும் ஐம்பூத நகரொடு சிராமலை
நவின்றகரு வூர்ஆ லவாய்
நண்ணுமிவை அட்டமூர்த் திப்பதிகள் வாஞ்சியம்
நலங்கொள் ஐயா றர்ச்சுனம்
குலவுதிரு வெண்காடு கவுரிமா யூரங்
குளிர்ந்தசா யாவ னம்எனக்
கூறுபதி சட்காசி திருநாகை நள்ளாறு
கோளிலிசொன் மறைவ னம்பூத்
திலகுகம லாலயங் காறாயில் வான்மியூர்
செப்பிலிவை யேழ்வி டங்கம்
சிவசிதம் பரவாச சிவகாமி யுமைநேச
செகதீ சநட ராசனே.