திசையன்விளை : பூச்சிக்காடு கோயிலில் நாளை (17ம் தேதி) கொடை விழா துவங்குகிறது.பூச்சிக்காடு விலக்கு பிரம்மசக்தி அம்மன் கோயில் 58வது ஆண்டு கொடை விழா நாளை (17ம் தேதி) துவங்கி 20ம் தேதி வரை நான்கு நாட்கள் நடக்கிறது. விழாவில் முதல் நாள் கும்பாபிஷேகம், தாரை தப்பட்டை, நையாண்டி மேளம், வில்லிசை, நகைச்சுவை பட்டிமன்றம் ஆகியன நடக்கிறது.இரண்டாம் நாள் அபிஷேக பூஜை, வில்லிசை, அலங்கார பூஜை, பால்குட ஊர்வலம், சிறப்பு அலங்கார பூஜை, திரைப்பட மெல்லிசை, மூன்றாம் நாள் அபிஷேக பூஜை, மஞ்சள் நீராடல், அன்னதானம், அம்மன் சப்பர பவனி, மஞ்சள் பெட்டி ஊர்வலம், கரகம், புஷ்ப அலங்கார பூஜை, சிறப்பு வாணவேடிக்கை, நான்காம் நாள் பொங்கல், பொறித்தல் உட்பட பல்வேறு நிகழ்ச்சிகள் நடக்கிறது.ஏற்பாடுகளை முத்துக்குட்டிசாமி செய்து வருகிறார்.