நண்பர்களை நேசிக்கும் கடக ராசி அன்பர்களே! சிறப்பான மாதம்!

சூரியன், புதன், குரு ஆகியோரால் நன்மை உண்டாகும். சுக்கிரன் மே 20 முதல் ஜூன் 13 வரை நன்மை தருவார். முக்கிய கிரகங்கள் நற்பலன் தரும் இடத்தில் இருப்பதால் சிறப்பான மாதமாக அமையும். பொருளாதார வளம் பெருகும். சமூகத்தில் மதிப்பு உயரும். எடுத்த புதிய முயற்சி வெற்றிகரமாக முடியும். எதிர்பார்ப்பு இனிதாக நிறைவேறும். அரசாங்க வகையில் எதிர்பார்த்த நன்மை ஏற்படும். புதனின் பலத்தால் பெண்களின் ஆதரவு கிடைக்கும். பொன், பொருள் சேரும். குடும்பத்தில் மகிழ்ச்சி கூடும். கணவன், மனைவி இடையே அன்பு மேலோங்கும். மே 20க்கு பிறகு எதிர்பார்த்த பணம் வந்து சேரும்.

தொழில், வியாபாரத்தில் நல்ல முன்னேற்றம் ஏற்படும். பணப்புழக்கம் தாராளமாக இருக்கும். பெண்களை பங்குதாரராக கொண்ட வியாபாரம் சிறப்படையும். அரசு வகையில் ஆதாயபலன் கிடைக்கும். வங்கி கடன் எளிதாக கிடைக்கும். எந்த தொழில் தொடங்கினாலும் அதை ஜூன் 13க்கு முன்னர் தொடங்குவது நல்லது.

பணியாளர்கள் முன்னேற்றம் காண்பர். மேலதிகாரிகளின் ஆதரவு நல்ல முறையில் கிடைக்கும். அரசு ஊழியர்களின் கோரிக்கை எளிதாக நிறைவேறும்.

கலைஞர்கள் சிறப்பான பலன் பெறுவர். எதிரி தொல்லை, போட்டி முதலியன மே 20க்கு பிறகு மறையும்.

அரசியல்வாதிகள் சுமாரான நிலையில் இருப்பர். பணப்புழக்கம் இருந்தாலும் எதிர்பார்த்த பதவி கிடைப்பது அரிது.
மாணவர்கள் நல்ல வளர்ச்சி காண்பர். குரு சிறப்பாக உள்ளதால் ஆசிரியர்களின் ஆலோசனை வளர்ச்சிக்கு வழிவகுக்கும்.
விவசாயிகள் போதிய வருமானம் காண்பர். ஆனால், கடின உழைப்பும் விடாமுயற்சியும் தேவைப்படும்.

பெண்கள் மகிழ்ச்சியுடன் இருப்பர். கணவரின் அன்பு கிடைக்கும். பிள்ளைகளால் பெருமை சேரும்.
நல்ல நாள்: மே 17, 18, 24, 25, 26, 27 ஜூன் 2, 3, 4, 5, 8, 9, 10, 13, 14
கவனநாள்: மே 26, 27 சந்திராஷ்டமம்
அதிர்ஷ்ட எண்: 3,5   நிறம்: செந்துõரம், பச்சை

பரிகாரம்: செவ்வாயன்று முருகனை வழிபடுங்கள். ஜூன்13க்கு பிறகு சுக்கிரனுக்கு அர்ச்சனை செய்யுங்கள்.