சேலம்: சேலம், கோட்டை அழகிரிநாதர் கோவில் உண்டியல்களை, குறிப்பிட்ட நாட்களுக்கு ஒருமுறை, நிர்வாகம் எடுத்து, கோவில் வளர்ச்சி பணிக்கு பயன்படுத்தும். அதன்படி, சேலம், இந்து சமய அறநிலையத்துறை அதிகாரிகள் மேற்பார்வையில், கோவிலில் உள்ள நிரந்தர உண்டியல்கள் ஐந்தும், நேற்று எண்ணப்பட்டன. அதில், 5 லட்சத்து, 41 ஆயிரத்து, 277 ரூபாய் இருந்தது. மேலும், 13 கிராம் தங்கம், 40 கிராம் வெள்ளி ஆகியவை இருந்தது.