அனுப்பர்பாளையம் : திருப்பூர், பூவப்பட்டியில் ஸ்ரீ கரியகாளியம்மன் மற்றும் ஸ்ரீ உச்சிமாகாளியம்மன், கோவில், கும்பாபிஷேக விழா இன்று காலை நடைபெற்றது. கும்பாபிஷேக விழாவையொட்டி, நேற்று காலை 7:15 மணி முதல், விக்னேஸ்வர பூஜை, இரண்டாம் காலபூஜை, மாலை 5:30 மணி முதல், புண்யாஹவாசனம், மூன்றாம் கால யாக பூஜை ஆகியன நடந்தது. இன்று காலை 9:35 மணிக்கு மேல் 10:35 மணிக்குள், ஸ்ரீ கரியகாளியம்மன், ஸ்ரீ உச்சிமாகாளியம்மன் மற்றும் பரிவார மூர்த்திகளாகிய கன்னிமூல கணபதி, பாலமுருகன், பேச்சியம்மன், தன்னாசியப்பன், சப்த கன்னிகள், ஆகிய தெய்வங்களுக்கு அஷ்டபந்தன மஹா கும்பாபிஷேகம் நடைபெற்றது. ஏராளமான பக்தர்கள் தரிசனம் செய்தனர்.