திருவண்ணாமலை: திருவண்ணாமலையில், யோகி ராம்சுரத்குமாரின் நுாற்றாண்டு ஜெயந்தி விழா, துவங்கியது. ஓராண்டுக்கு தொடர்ந்து கொண்டாடப்படும் விழாவில், 1,000 கோடி நாமாக்கள் பகவானுக்கு சமர்ப்பிக்கப்பட உள்ளன. இதை முன்னிட்டு, நேற்று காலை, சுப்ரபாதம், அகவல், ஆரத்தி, நித்ய பூஜை, அகண்ட நாம ஜெபம், தாலாட்டு, பிரதான் மந்திர் பகுதியில், கணபதி ஹோமம், நவக்கிரக ஹோமம்... ஆவாஹந்தி ஹோமம், ஆயுஷ ஹோமம், ருத்ர பாராயணம் ஆகியவை, செந்தில் கனபாடிகள் தலைமையில், 12க்கும் மேற்பட்ட வேத விற்பன்னர்கள் வேத மந்திரம் முழங்க நடந்தது. இதை தொடர்ந்து, பகவான் யோகிராம் சுரத்குமார் சன்னதியில், சிறப்பு அபிஷேகம் செய்து, வண்ண மலர்களால் அலங்கரிக்கப்பட்டு, சிறப்பு பூஜை செய்யப்பட்டது. இதில், ஆயிரக்கணக்கான பக்தர்கள் சுவாமி தரிசனம் செய்தனர். தொடர்ந்து, தேவாரம், பக்தி இசை, குச்சுப்படி நடனம் நடந்தது. நிகழ்ச்சியில், ஆசிரம நிர்வாகி, டாக்டர் ராமநாதன் உட்பட நிர்வாகிகள் பங்கேற்றனர்.