வால்பாறை: வால்பாறையில் முதன் முறையாக நடந்த, 12 ஜோதிலிங்க தரிசனத்தில் ஆயிரக்கணக்கான பக்தர்கள் பங்கேற்றனர்.பிரஜாபிதா பிரம்மா குமாரிகள், ஈஸ்வர்ய விஷ்வவித்யாலம் சார்பில் வால்பாறை சுப்ரமணிய சுவாமி கோவிலில், 12 ஜோதிலிங்க தரிசனம் நடந்தது.விழாவுக்கு, திருப்பூர் மாவட்ட பொறுப்பாளர் ரேணுகா தலைமை வகித்தார். வால்பாறை ஒருங்கிணைப்பாளர்கள் உமா, சந்தோஷ் ஆகியோர் முன்னிலை வகித்தனர்.வால்பாறை எம்.எல்.ஏ., கஸ்துாரி, தாசில்தார் விஜயலட்சுமி ஆகியோர் கலந்து கொண்டு ஜோதிலிங்க தரிசன விழாவை துவக்கி வைத்தார். தமிழ்நாடு, மகாராஷ்டிரா, ஜார்கண்ட், மத்தியபிரதேசம், குஜராத் உள்ளிட்ட மாநிலங்களில், 12 கோவில்களில் இருந்து கொண்டு வரப்பட்ட ஜோதிலிங்கத்தை ஆயிரக்கணக்கான பக்தர்கள் கண்டு தரிசித்தனர். வரும், 15ம் தேதி வரை நடக்கும் விழாவுக்கான ஏற்பாடுகளை பிரஜாபிதா பிரம்மா குமாரிகள், ஈஸ்வர்ய விஷ்வவித்யாலத்தை சேர்ந்த நிர்வாகிகள் செய்து வருகின்றனர்.