திருவண்ணாமலை: கிறிஸ்தவர்கள், ஜெருசலேம் புனித பயணம் செல்ல விண்ணப்பிக்கலாம் என, கலெக்டர் கந்தசாமி தெரிவித்துள்ளார். இதுகுறித்து, அவர் வெளியிட்டுள்ள அறிக்கை: திருவண்ணாமலை மாவட்டத்தில் உள்ள, கிறிஸ்தவர்கள் ஜெருசலேம் புனிதப் பயணம் மேற்கொள்ள, ஒருவருக்கு, 10 ஆயிரம் ரூபாய் அரசு வழங்குகிறது. இந்த திட்டத்தின் மூலம், பெத்லஹேம், ஜெருசலேம், நாசரேத் நதி, கிறிஸ்தவ மத தொடர்புடைய பிற, புனிதத் தலங்களையும் உள்ளடக்கியது. இந்த பயணம், இந்த மாதம் முதல் மேற்கொள்ள திட்டமிடப்பட்டுள்ளது. பயணக் காலம், பத்து நாட்கள் வரை இருக்கும். விண்ணப்பத்தை, மாவட்டப் பிற்படுத்தப்பட்டோர் மற்றும் சிறுபான்மையினர் நல அலுவலகத்தில், கட்டணமின்றி பெற்று, பூர்த்தி செய்து, அஞ்சல் உறையில் ஜெருசலேம் புனித பயண விண்ணப்பம் என, குறிப்பிட்டு, மேலாண்மை இயக்குனர், தமிழ்நாடு சிறுபான்மையினர் பொருளாதார மேம்பாட்டுக் கழகம், 807 (5வது தளம்), அண்ணா சாலை, சென்னை-600002 என்ற முகவரிக்கு, வரும், 6, மாலை, 5:45 மணிக்குள், பெறத்தக்க வகையில் அனுப்ப வேண்டும். இவ்வாறு, அதில் தெரிவிக்கப்பட்டுள்ளது.