கோட்டூர்: கோட்டூர், பழனியூர் மாகாளியம்மன் கோவிலில், இன்று குண்டம் இறங்கும் நிகழ்ச்சி நடக்கிறது.கோட்டூர், பழனியூர் மாகாளியம்மன் கோவிலில் குண்டம் திருவிழா, 8ம் தேதி கொடியேற்ற நிகழ்வுடன் துவங்கியது.

நேற்று முன்தினம், காலை, 10:00 மணிக்கு மாவிளக்கு எடுத்து பக்தர்கள் அம்மனை வழிபட்டனர். மாலை, 6:00 மணிக்கு குழந்தைகள், பெண்கள், ஆண்கள் என, 230க்கும் மேற்பட்டோர் பூவோடு எடுத்து, அம்மனுக்கு நேர்த்திக்கடன் செலுத்தினர்.நேற்று மதியம், 12:00 மணிக்கு அம்மன் திருக்கல்யாணம், இரவு, 10:00 மணிக்கு குண்டம் கட்டுதல் மற்றும் பூ வளர்த்தல் நிகழ்ச்சி நடந்தது. இன்று, 15ம் தேதி காலை, 6:00 மணிக்கு குண்டம் இறங்கும் நிகழ்ச்சி நடக்கிறது. காலை, 8:00 மணிக்கு தேர் வடம் பிடித்தல் நடக்கிறது. நாளை, காலை, 9:00 மணிக்கு தேர் திருவீதி உலா, மஞ்சள் நீராடுதல் இரவு, 10:00 மணிக்கு வாண வேடிக்கை நடக்கிறது.