தலைவாசல்: பங்குனி மாத தேய்பிறை அஷ்டமி, திரியம்பகாஷ்டமியாக கொண்டாடப் படுகிறது. அதையொட்டி, தலைவாசல், ஆறகளூர், காமநாதீஸ்வரர் கோவிலில், நேற்று

(மார்ச்., 28ல்)காலை முதலே, பால், தயிர், நெய் உள்ளிட்டவற்றால், மூலவர் காமநாதீஸ் வரருக்கு, சிறப்பு அபிஷேகம் நடந்தது.

தொடர்ந்து, ஐந்து வகை எண்ணெயால், திரளான பக்தர்கள் தீபமேற்றி, பைரவரை வழிபட்டனர். அஷ்ட பைரவர்களுக்கு, தனித்தனியாக சிறப்பு வழிபாடு நடந்தது. காமநாதீஸ்வரர், பெரிய நாயகி அம்மன், சிறப்பு அலங்காரத்தில் அருள்பாலித்தனர். மதியம், அஷ்டபுஜ காலபைரவர் சன்னதியில், யாகம் நடந்தது. தொடர்ந்து நடந்த தீபாராதனையில், திரளானோர் வழிபட்டனர்.

அதேபோல், சேலம், உத்தமசோழபுரம், கரபுரநாதர் கோவிலில் உள்ள காலபைரவருக்கு, சிறப்பு பூஜை செய்து, யாக குண்டத்தில் வைக்கப்பட்ட கலசங்களில் இருந்த புனிதநீரால் அபிஷேகம் செய்யப்பட்டது. தொடர்ந்து, சந்தனம், திருநீறு, செவ்வரளிப்பூ, எலுமிச்சம் பழ மாலைகளால் அலங்காரம் செய்து, தீபாராதனை காட்டப்பட்டது. ஏராளமான பக்தர்கள் தரிசனம் செய்தனர்.