ராமநாதபுரம் : ராமநாதபுரம் கோதண்ட ராம ஸ்வாமி கோயிலில் ஜூலை 4ல் பிரம்மோற்ஸவம் துவங்குகிறது. ஜூலை 12ல் தேரோட்டம்நடக்கிறது.

ராமநாதபுரம் சமஸ்தானம் கோதண்ட ராம ஸ்வாமி கோயிலில் ஆனி பிரம்மோற்ஸவ விழா ஜூலை 4ல் துவங்கிறது.ஜூலை 3ல் இரவு 7:00 மணிக்கு அனுக்ஞை, அடுத்த நாள் ஜூலை 4ல் காலை 10:00 மணிக்கு கொடியேற்றம், இரவு தோளுக்கினியான் வாகனம், இரண்டாம் நாள் காலை பல்லக்கு, இரவு சிம்ம வாகனத்தில் சுவாமி உலா, 3ம் நாள் காலை பல்லக்கு, இரவு ஆஞ்சநேய வாகனம், 4வது நாள் காலைபல்லக்கு, இரவு கருட வாகனம், 5 ம் நாள் காலை பல்லக்கு, இரவு சேஷ வாகனம், 6 ம் நாள் காலை பல்லக்கு, இரவு 7:00 மணிக்கு சுவாமிக்கு திருக்கல்யாணம் நடக்கிறது.

ஏழாம் நாள் மஞ்சள் நீர், இரவு இந்திர விமானம் புஷ்பபல்லக்கு, 8 ம் நாள் காலை பல்லக்கு, இரவு குதிரை வாகனத்தில் வீதியுலா,9 ம் நாள் காலை 9:30 மணிக்கு தேரோட்டம், 10ம் நாள் காலை 9:00 மணிக்கு மேல் தீர்த்தோத்ஸவம், இரவு தோளுக்கினியான் வாகனம் ஆகிய நிகழ்ச்சிகள் நடக்கிறது.ஏற்பாடுகளை நிர்வாக செயலாளர் கே.பழனிவேல்பாண்டியன், சரக பொறுப்பாளர் சங்கர், விசாரணைதாரர் கண்ணன் ஆகியோர் செய்து வருகின்றனர்.