நடுவீரப்பட்டு: சி.என்.பாளையம் மலையாண்டவர் கோவிலில், 3ம் ஆண்டு கும்பாபிஷேக விழா நடந்தது.

சி.என்.பாளையம் மலையாண்டவர் என்கிற ராஜராஜேஸ்வரி சமேத ராஜராஜேஸ்வரர் கோவிலில், நேற்று முன்தினம் திங்கள்கிழமை 3ம் ஆண்டு கும்பாபிஷேக விழா நடந்தது.விழாவை முன்னிட்டு நேற்று முன்தினம் மதியம் 3:00 மணிக்கு விநாயகர், ராஜராஜேஸ்வரர், அம்மன்,சண்டிகேஸ்வரர், வள்ளி தேவசேனா சுப்ரமணியர் ஆகிய பஞ்சமூர்த்திகளுக்கு சிறப்பு அபிஷேக ஆராதனை நடந்தது. இரவு 8:00 மணிக்கு ராஜராஜேஸ்வரி சமேத ராஜராஜேஸ்வரர் சுவாமிக்கு திருக்கல்யாணம் நடந்தது. அதனை தொடர்ந்து மகா தீபாராதனை நடந்தது. சுவாமி ஆலய உலாவாக வந்து பக்தர்களுக்கு அருள்பாலித்தார் விழா ஏற்பாடுகளை நிர்வாக அறங்காவலர் வைத்திலிங்கம் மற்றும் உபயதாரர்கள் செய்திருந்தனர்.